C1.05 – Provimi i gjuhës shqipe – përshtypjet e Anës
Ana kishte punuar shumë për të kaluar provimin e gjuhës shqipe. Ajo kishte punuar pa u lodhur përgjatë tri muajve të fundit. Dita e provimit erdhi pa u ndjerë. Sapo filloi provimi, ajo ndjeu ta pushtonte ankthi gradualisht, por ishte e vendosur ta merrte në dorë situatën dhe të mos hiqte dorë në momentin e fundit. Ana mendonte se provimi do të ishte shumë më i vështirë dhe shumë më i komplikuar. Por, në të vërtetë, nuk ishte aq i vështirë sa e kishte imagjinuar.
Ai filloi me një seancë dëgjimi dhe më pas Ana duhej t’i përgjigjej disa pyetjeve në lidhje me përmbajtjen. Pasi mbaroi pjesën e parë, e kënaqur nga rezultatet fitoi më shumë siguri te vetja.
Më pas, vazhdoi me seancën e leximit. Teksti nuk ishte aq i lehtë për t’u lexuar. Në fillim, ngurroi disi dhe fjalët iu lidhën si lak në fyt, por mori frymë thellë dhe më pas fjalët filluan t’i rridhnin si lumë. Kështu me vendosmëri e çoi deri në fund leximin.
Më tej vijoi me pjesën e shkrimit. Ajo kishte për të shkruar një ese mbi rëndësinë e mbrojtjes së mjedisit. Ajo arriti të shprehë mendimet e saj me qartësi. Kur e mbaroi, e ndjeu veten të lehtësuar.
Kur doli nga salla e provimit, kontrolloi disa nga pyetjet dhe u zhgënjye pak për disa gabime të vogla që kishte bërë.
Pas disa javësh, rezultatet u publikuan. Ana u gëzua shumë kur pa që e mori provimin e gjuhës shqipe. Ishte krenare për arritjet e saj.
Lesson Audio
Translation
Provimi i gjuhës shqipe – përshtypjet e Anës
The Albanian language exam – Ana’s impressions
Ana kishte punuar shumë për të kaluar provimin e gjuhës shqipe.
Ana had worked hard to pass the Albanian language exam.
Ajo kishte punuar pa u lodhur përgjatë tri muajve të fundit.
She had worked tirelessly for the past three months.
