Materials

A2.15 – Çfarë do të bësh këtë javë?

New words/expressions

marr pjesë – attend

trajnim – training

gramatikë – grammar

shprehje – expression

shprehje frazeologjike – phraseological expressions

praktikoj – practice

diskutoj -discuss

komunikim – communication

seminar -workshop

mik i ngushtë – close friend

lojëtar – player

lojë – game

birrë – beer

konkurrues – competitive

batutë – joke

qesh – laugh

muzikë live – live music

një prej tyre – one of them

verandë – porch

interesant/e – interesting

notoj – swim

peshk – fish

java që vjen – the week ahead

pranë – near

TEXT

Këtë javë, nga e hëna deri të enjten do të marr pjesë në një trajnim. Më pëlqen shumë të mësoj gjëra të reja. Në këtë trajnim, do të mësoj më shumë për gramatikën e gjuhës shqipe, shprehje frazeologjike dhe do të diskutojmë mbi kulturën shqiptare. Gjithashtu do të praktikoj më shumë komunikimin në gjuhën shqipe. Më pëlqen shumë të takoj njerëz të rinj dhe shpresoj të takoj sa më shumë në këtë seminar.

Të premten do ta kaloj me miqtë e mi të ngushtë: Edin dhe Andin. Do të bëjmë shumë gjëra së bashku. Pasdite, do të shkojmë të luajmë bilardo dhe do të pimë birra. Shokët e mi janë lojtarë shumë të mirë, prandaj loja do të jetë shumë konkurruese dhe argëtuese. Shokët e mi kanë shumë batuta dhe jam i sigurt se do të qeshim shumë.

Në Tiranë, ka shumë lokale me muzikë live. Në mbrëmje do të shkojmë në një prej tyre. Aty do të dëgjojmë muzikë xhaz dhe do të pimë nga një kokteil.

Të shtunën dhe të dielën do të pushoj. Do të shkoj në shtëpinë time në Durrës. Në mëngjes, do të ulem në verandë, do të shijoj natyrën dhe do të lexoj ndonjë libër interesant. Pas dreke, koha do të jetë e ngrohtë, prandaj do të notoj në det. Gjithashtu, do të shkoj në një restorant peshku pranë shtëpisë. Aty ka gjithmonë peshk të freskët.

Jam shumë i emocionuar për javën që vjen. Do të jetë një javë shumë aktive dhe interesante.