Materials

C1.08 – Më duhet një bojaxhi i mirë

New words/expressions

bojaxhi – painter

i/e entuziazmuar – excited

lyej – paint

me merak – carefully

nuk i besoja syve – I couldn’t believe my eyes

përvojë – experience

ngatërrim – confusion

faqe muri – side of a wall

i/e çuditur – suprised

mllef – rage

s’ishte puna që – it wasn’t that

ku ta dija unë – how would i know

TEXT

Sapo kisha blerë një apartament të ri në kompleksin Mangalem. Isha shumë e entuziazmuar sepse më në fund do ta bëja realitet shtëpinë e ëndrrave të mia. Kështu si fillim kisha marrë një bojaxhi për të lyer shtëpinë me ngjyra pasteli. E kisha porositur me merak për të gjitha ngjyrat që do të përdorte: të kaltër për dhomën e gjumit, rozë antike për sallonin dhe ngjyrë pana për të gjitha ambientet e tjera.

Mezi po prisja derisa çdo gjë të ishte gati. Por, kur bojaxhiu kishte mbaruar punën dhe pashë apartamentin nuk po u besoja dot syve. Ishte e qartë që ngjyrat e mureve ishin shumë larg asaj që kisha kërkuar. Kudo mbizotëronte ngjyra blu e errët, roza dhe ngjyra e verdhë. Ai ishte edhe bojaxhi me përvojë dhe nuk ishte hera e parë që e bënte këtë punë. Ai më kishte siguruar se e kishte kuptuar mirë cilat ngjyra do të përdorte.

E ku ta dija unë që bojaxhiu do të ngatërronte të gjitha ngjyrat. S’ishte puna që ai kishte ngatërruar vetëm ngjyrat, por çudia më e madhe ishte që çdo faqe muri kishte nga një ngjyrë të ndryshme. Mllefi ndaj bojaxhiut nuk do të më kalonte lehtë.

Tani, më duhet një bojaxhi i mirë që t’ja nisim të gjithë punën nga e para. A njihni ndonjë?