Materials

C1.06 – Shtëpiza prej druri

New words/expressions

shtëpizë – house

dru – wood

ëndje – fondly

mantel – cloak

thur – knit

thur ëndrra – “knit” dreams

fëshfërimë – rustling

zukatje – humming

gjinkallë – cicada

bulkth – cricket

xixëllonjë – fire-fly

vallëzoj – dance

myshk – moss

trung – trunk

cicërimë – chirping

i hareshëm/e hareshme – joyful

depërtoj – break through

vesë – dew

i porsambirë – newly sprouted

luledele – daisy

e sapoçelur – newly bloomed

bulëz vese – dewdrop

vezulloj – glint

TEXT

A të kujtohet shtëpiza jonë prej druri? Unë e kujtoj ende me shumë ëndje. Ajo ishte një shtëpi e vogël prej druri e ndërtuar në mes të gjelbërimit të pemëve. Aty kalonim ditët tona larg zhurmave të qytetit. A e mban mend kur nën mantelin e hënës dhe qiellit plot yje, thurnim ëndrra për të ardhmen e bisedonim për dëshirat tona më të çmendura?

Netët ishin të qeta, por herë pas here qetësia thyhej nga fëshfërima e gjetheve, zukatja e gjinkallave dhe kekllishka e bulkthave. Në netët e pranverës dukej sikur yjet kishin zbritur në tokë nga dritat e xixëllonjave që vallëzonin mes pemëve. Ajri ishte i freskët dhe ndihej aroma e myshqeve që rriteshin në trungjet e pemëve.

Mëngjeset nisnin gëzueshëm nga cicërimat e hareshme të zogjve. Rrezet e para të diellit luanin me gjethet e pemëve dhe depërtonin në shtëpi përmes hapësirave boshe. Ndërkohë, vesa e mëngjesit kishte mbuluar barin e porsambirë e mbi luledelet e sapoçelura. Rrezet binin lehtë mbi bulëzat e vesës dhe çdo gjë vezullonte.

E kujtoj ende me nostalgji shtëpizën tonë. Do të doja të isha sërish aty së bashku me ty. Do të doja të rindjeja sërish ato ndjenja gëzimi, lumturie e paqeje të pafund.