Materials

B1.04 – Në dyqanin e luleve

New words/expressions

dyqan lulesh – flower shop

shitësi – shop assistant

dhuratë – gift

e veçantë – special

e dashur – girlfriend

i dashur – boyfriend

aromë – fragrance

i/e veçantë – particular

dashuri – love

rast – case

padyshim – definitely

trëndafil – rose

simbolizon – symbolizes

sinqeritet – sincerity

kartolinë – card

ndjenjë – feeling

buqetë – bouquet

mbështjell – wraps

letër -paper

paketoj – package

shtrenjtë – expensive

ia vlen – it’s worth it

meritoj – deserve

TEXT

Ardi: Mirëdita!

Shitësi: Mirëdita. A mund të të ndihmoj?

Ardi: Po, kam nevojë për ndihmë. Dua të blej një dhuratë të veçantë për të dashurën time. Ajo i do shumë lulet. Çfarë më sugjeron?

Shitësi: A ke ndonjë preferencë të veçantë? A do lule me ndonjë ngjyrë të veçantë apo lule me aromë?

Ardi: Të dyja, hahaha. Dua të shpreh dashurinë time për të. Çfarë më sugjeron në këtë rast?

Shitësi: Në këtë rast, padyshim të sugjeroj një trëndafil. Ai simbolizon dashurinë dhe ka aromë të këndshme. Mund të zgjedhësh një trëndafil të kuq ose të bardhë. Trëndafili i kuq simbolizon dashurinë dhe pasionin, ndërsa trëndafili i bardhë simbolizon sinqeritetin.

Ardi: Dua një trëndafil të bardhë. Por më duket pak, dua diçka më tepër. A ke ndonjë ide të veçantë?

Shitësi: Patjetër! Mund të shkruash një kartolinë dhe t’i shprehësh ndjenjat e tua. Gjithashtu, mund t’i blesh edhe një çokollatë.

Ardi: Ide shumë e mirë. Do t’i blej të treja.

Shitësi: A doni të bëjmë një buqetë të vogël me trëndafila të bardhë?

Ardi: Mirë, dua 7 trëndafila sepse e kam takuar të dashurën para 7 muajsh.

Shitësi përgatit buqetën me trëndafila dhe e mbështjell me letër rozë. Gjithashtu, paketon një çokollatë bashkë me kartolinën.

Shitësi: A ju pëlqen?

Ardi: Po duket shumë bukur, faleminderit! Sa kushtojnë të gjitha?

Shitësi: 7 trëndafila të bardhë kushtojnë 2.100 lekë, çokollata kushton 300 lekë dhe kartolina kushton 200 lekë. Paketimin e keni dhuratë. Në total kushtojnë 2.600 lekë.

Ardi: Hmmm, shkoi pak shtrenjtë… por, ia vlen për të dashurën time. Urdhëroni 3.000 lekë dhe mbaje kusurin. E meriton!

Shitësi: Faleminderit shumë. Mirë se të vini përsëri!