Materials

B2.02 – Një udhëtim me avion

New words/expressions

avion – airplane

i/e fejuar – fiancé

orar – schedule

shumëpritur – long-awaited

zonë pritje – waiting area

portë – gate

pasagjer – passanger

thirrje – call

kap – catch

nxitoj – rush

kureshtje – curiosity

fushë – field

bëhet gati – prepare

shenjë gishti – fingerprint

përqafoj – hug/embrace

puth me mall- kiss with longing

lot – tear

TEXT

Aida do të shkojë në Amerikë tek i fejuari i saj, Joni. Ata kanë një vit larg njëri-tjetrit. Më në fund dita e shumëpritur erdhi.

Ajo i dërgon një mesazh Jonit me orarin e mbërritjes. Ai do të vijë për ta pritur në aeroport. Ajo kalon kontrollin e pasaportës, kontrollin e biletës e më pas kalon në zonën e pritjes.

Në sfond dëgjohen recepsionistë të ndryshëm, të cilët tregojnë numrat e avionëve që janë gati për nisje dhe portat pranë të cilave duhet të paraqiten pasagjerët. Pak më pas dëgjohet një thirrje me emrat e pasagjerëve që janë me vonesë. Ajo shikon sa majtas – djathtas pasagjerët të cilët nxitojnë për të kapur avionin. Aida shikon çdo gjë me kureshtje pasi është hera e parë që ajo udhëton me avion.

Portat hapen dhe ajo hyn në avion. Avioni bëhet gati për nisje e fillon të lëvizë ngadalë. Sapo fillon të ngrihet nga dritarja fillojnë të duken male të larta, kodra dhe fusha të gjelbëruara. Udhëtimi do të jetë i gjatë. Më në fund, pas shumë orësh, avioni mbërrin në Nju Jork dhe bëhet gati të ulet. Ajo zbret nga avioni dhe kalon në zonën e kontrollit të pasagjerëve. Makineritë i skanojnë pasaportën, i bëjnë një foto dhe i marrin shenjat e gishtërinjve. Kur mbaron kontrolli, ajo del nga aeroporti.

Joni është aty duke e pritur. Aidës i mbushen sytë me lot. Ajo e kishte ëndërruar prej kohësh këtë moment. Ata përqafohen dhe puthen me mall. Të dy janë të mallëngjyer. Ajo ndihet e lumtur. Çdo gjë shkoi mirë dhe tani është gati për një fillim të ri.